Ամեն ինչ սկսվեց զրոյից՝ շուկայի մեկ տաղավարից
- Ամեն ինչ սկսվեց զրոյից՝ շուկայի մեկ տաղավարից
- Տարիներ անց բացվեց երկրորդ տաղավարը՝ ոչ շատ հեռու
- Բացվեց «Փեթակ»-ը՝ առաջին մեծ խանութ-սրահը
- Գործարկվեց մեծածախ բաժինը
- Բացվեց Գնունու Էլեկտրիկան, և ձևավորվեց սերվիս կենտրոնը
- Ձևավորվեց վարչակազմը
- Բացվեց Առինջի մասնաճյուղը
- Հայտնվեց առաջին հիմնական պահեստը
- Մեծածախ բաժինը զարգացվեց
- Բացվեց հաղորդալարերի և մոնտաժման պարագաների խանութը
- Ռեբրենդինգ · կապույտը և մեդուզան
- Բացվեց Զեյթունի մասնաճյուղը
- Զարգացավ արտադրությունը
Մեր մասին
Electrica Group-ը լուսատեխնիկայի և էլեկտրամոնտաժային պարագաների հայկական ընկերություն է՝ սեփական արտադրությամբ, վեց սրահով և գրեթե 170 աշխատակցով։
- Ոլորտում ենք
- 2009
- Աշխատակից
- ~170
- Սրահ Երևանում և Կոտայքում
- 6
- Ապրանքատեսակ
- 10 000+
Ինչով ենք տարբերվում
Չորս բան, որոնց վրա հենվում է մեր աշխատանքը։
Սեփական արտադրություն
Պլաստմասե, ալյումինե և մետաղյա արտադրանքը մեր սեփական արտադրամասերից է՝ Փարաքարում, ձևանմուշից մինչև փաթեթավորված ապրանք։ Հենց դա է մեր տարբերությունը. երբ արտադրողը դու ես, կախված չես ուրիշի ժամկետներից, գներից ու պահեստից։ Այդ կայունությունն էլ հասնում է հաճախորդին՝ կանխատեսելի ժամկետով, կայուն որակով և կայուն գնով։
Ապրանքն առկա է
Մենք գիտակցաբար մեծ պաշարներ ենք պահում պահեստում՝ հազարավոր ապրանքատեսակ, նախագծային քանակներով։ Դրա շնորհիվ խոշոր պատվերի մեծ մասը տրվում է անմիջապես՝ առանց «սպասեք մի քանի ամիս, մինչև բերենք»-ի։ Պահեստը մեզ համար ծախս չէ, այլ տրված խոսքը պահելու միջոց։
Հարմարեցնում ենք նախագծին
Հաճախորդի ցանկությամբ փոշեներկում և ձևափոխում ենք արտադրանքը՝ տարբեր բարդության նախագծերի համար։ Ոչ ստանդարտ խնդիրը մեզ համար հրաժարվելու պատճառ չէ։
Կողքին ենք սկզբից մինչև լույս
Սրահներում մեր փորձառու խորհրդատուները հաշվարկում են լուսավորությունը և աջակցում նախագծին, իսկ սերվիսի կենտրոնն անում է երաշխիքային սպասարկումն ու վերանորոգումը՝ երաշխիքից դուրս էլ։
Աշխատանք Electrica Group-ում
Կազմը մշտապես մեծանում է՝ վաճառքից և պահեստից մինչև արտադրություն ու սերվիս։ Եթե ուզում եք աշխատել մեզ հետ, բաց հաստիքները և ինքնակենսագրություն ուղարկելու ձևը մեկ էջում են։
Բրենդի խորհրդանիշը
Ինչու մեդուզա
Մեդուզան մեր բրենդի առանցքային մոտիվն է՝ բրենդբուքի կազմին, տուփերի դիզայններում և արտաքին գովազդում։ Ընտրությունը դեկորատիվ չէր։
- Նա ինքն է լույս տալիս
- Կան մեդուզաների տեսակներ, որոնք լույսը դրսից չեն ստանում, այլ իրենք են արտադրում։ Ընկերության համար, որը 2009 թվականից զբաղվում է լույսով, իսկ այժմ արտադրում է սեփականը, բնության մեջ ավելի ճշգրիտ համեմատություն չկա։
- Նա երկար է ապրում
- Մեդուզաները օվկիանոսում հայտնվել են դինոզավրերից հարյուր միլիոնավոր տարիներ առաջ, իսկ մի քանի տեսակ գիտնականներն ուղղակի անմահ են համարում։ Մեր կարգախոսը՝ FOR LONG LIFE, հենց այդ մասին է։ Աշխատակիցների համար մենք երկար տարիների վստահելի գործատու ենք, գործընկերների համար՝ ճկուն մատակարար, որի հետ համագործակցությունը տարիներով է չափվում։ Իսկ մեր ապրանքները երկարակյաց են՝ մինչև 5 տարվա երաշխիքով, և երբ երաշխիքն ավարտվում է, մենք դարձյալ պատրաստ ենք վերանորոգել ու երկարացնել ապրանքի կյանքը։
- Նա շարժվում է առանց ջանքի
- Մեդուզան առաջ է շարժվում սահուն և անաղմուկ։ Այնպես էլ պետք է աշխատի էլեկտրականությունը տանը՝ չի երևում և չի լսվում, պարզապես կա։